المؤتمرنت -
إلهام شاهين: مريض الزهايمر جثة تتنفس
تحدثت الفنانة إلهام شاهين، عن دورها في حكاية ألفريدو، وأهمية إلقاء الضوء على مرض الزهايمر ومخاطره، خاصة أنه ليس له علاج في العالم، إلى جانب ردها على الانتقادات التي تعرض لها طاقم العمل عند طرح بوستر المسلسل.
وقالت إلهام شاهين في تصريحات تلفزيونية: مرض الزهايمر هو مرض خطير لأن كل حاجة في الشخص ده بتموت لكن بتفضل فيه الروح.. المرض لما بييجي في المخ كل الإشارات بتتوقف فيبقي المريض عبارة عن جثة بتتنفس وهو من أصعب الأمراض وكارثة كبيرة ومنتشر جدا، وفقاً لموقع القاهرة24.
وأشارت إلهام شاهين إلى أن عدد المصابين بمرض الزهايمر في مصر من 450 ألف لـ 500 ألف مريض، وهناك أعداد كبيرة لم يتم حصرها، موضحة أن الدور الذي قدمته في المسلسل كان الحالة الأولى من مرض الزهايمر وليس المرحلة المتقدمة وأحيانا يكون الشخص واعي وفي أوقات أخرى يكون فاقد عقله ولكنه يدرك أنه ينسى.
وردت إلهام شاهين على منتقدي العمل قبل عرضه من خلال ظهورها مع النجم أحمد فهمي على بوستر العمل، قائلة: الناس قالت دي عاملة قصة حب وست كبيرة وبتحب واد صغير.. بس لو افترضنا أنهم اكتشفوا أني ست كبيرة وبتحب واحد أصغر منها في السن فين المشكلة في كده!؟.. كل اللي قالوه كلام فارغ، وحتى لو كانت شخصية شريرة أو مرفوضة في المجتمع ده أمر عادي أنها تتعرض في الشاشة ودي حاجة مش ضد قانون ولا ضد شرع أو شي غريب.. في تسرع في الموضوع، الشخص عاوز يهاجم وخلاص مش فارق معاه الموضوع.. والحمد لله كل اللي هاجموا اعتذروا والعمل كل الناس اجتمعت عليه.
من ناحية أخرى، قالت الفنانة إلهام شاهين، إن آرائها يختلف معها الكثيرون لأنها ليست منافقة، قائلة: أنا مش منافقة وبقول الحقيقة وفي ناس مش بتحب الحقيقة عاوزة النفاق أنا مبقبلش حد ييجي على الفن وبدافع عن الدين الإسلامي الحقيقي بكل جوارحي، في ناس بتقول أني ضد الدين.. بالعكس أنا بتكلم ضد المتاجرين بالدين واللي بيفسروا الدين غلط.. لأن الدين شي عظيم وفيه سمو وروحانيات، ربنا مش بيأمرنا غير بكل شي حلو. | 
2003-2024 