المؤتمرنت -
آثار الحكيم تكشف سر اعتزالها الفن
كشفت النجمة المصرية آثار الحكيم، أنها اعتزلت الفن منذ نحو 15 سنة، قائلة: "السنين تجري، لكن من فضل الله أنا على تواصل مع الناس، وبشوف رسائل جميلة من الناس على فيسبوك".
وأضافت، خلال مداخلة تلفزيونية مع الإعلامية نهال طايل في برنامج "تفاصيل" عبر قناة «صدى البلد2» مساء الأحد: "ربنا يثبتنى، أنا اعتزلت تماما، الحمد لله على شيء، ربنا أكرمني واعتزلت في قمة شغلي وعملي ونجاحي".
وتابعت: "التفكير التقليدي، الناس اللي بتقول اعتزلت بسبب مشاكل في الوسط الفني أو القول إنها تابت، لأ، مفيش حاجة اسمها كده، أنا من فضل الله تشبعت والفن مش حرام نهائياً".
وأضافت أن الإنسان يجب أن يدرك حقيقة الحياة، قائلة: "والله أول عدو للإنسان الجهل، إحنا مش عارفين أولها من آخرها فين، إحنا تايهين شوية. أول فريضة ربنا أمرنا بيها هي اقرأ، يعني اعلم وافهم حق ربنا علينا إيه وإحنا رايحين فين".
واختتمت حديثها بالتأكيد على أن الدنيا رحلة قصيرة، قائلة: "الحياة دي أقصر رحلة، حتى لو عشنا 100 سنة هتحسي إنها ساعة، فإحنا لازم نفهم إحنا جايين ليه ورايحين فين". | 
2003-2026 