المؤتمرنت -
لقاء سويدان: معظم الفنانين يموتون فقراء
طالبت الفنانة لقاء سويدان، بالالتفات لحياة الفنانين ومساعدتهم بمدهم بامتيازات خاصة ولو بسيطة، موضحة: وذلك لكون الفن هو القوى الناعمة للبلاد.

وقالت لقاء سويدان في حديث لـ"القاهرة 24": مش كلنا عندنا طيارات خاصة، إحنا مش مليونيرات، وحتى الناس اللي عندهم طيارات خاصة عندهم مشاكلهم الشخصية والعائلية.

وأضافت: معظم الفنانين الكبار بيموتوا فقراء، النقابة آه عملت دار مسنين، بس لسه فيه مشاكل كتير للفنانين محتاجة تتعالج، ممكن أخلي فيه سن معين للفنانين يبقى معفي من حاجات كتير زي أي مواطن، عايزة من الدولة زي ما الفن قوة ناعمة، يبقى من حق الفنان يكونله امتيازات ولو بسيطة، ولولا إني موظفة فأنا عندي تأمين طبي، أوقات كتير جدًا مبيبقاش معايا فلوس خالص، وممكن أقعد سنتين تلاتة مشتغلش.

وأوضحت لقاء سويدان: فكرت كتير أعمل مشروع، بس مش قادرة أعمل مشروع كبير، وبتيجي عليا أوقات كتير مشتغلتش بس بعمل حاجات تانية، بدرس، أنا الأولى على دفعتي وورحت درّست دراما في دبي مع وزارة التربية والتعليم هناك وكانت تجربة مهمة، كنت بدرس دراما مش كورسات، وأنا ممكن أعمل أي حاجة ما دام هي حلال.

أعمال لقاء سويدان
انتهت لقاء سويدان مؤخرًا من عرض الموسم الأخير من مسرحية سيد درويش، مع الفنان ميدو عادل، وهي من تأليف سيد إبراهيم وتحت قيادة المخرج أشرف عزب، وجسدت خلاله دور الراقصة جليلة التي أحبها وتزوجها الموسيقار الراحل سيد درويش.